Վաղը Եվրոխորհրդարանը այնուամենայնիվ քվեարկության է դնելու Վրաստանի համար վիզաների չեղարկման հարցը
Փետրվարի 2-ին Եվրոխորհրդարանը քվեարկության է դնելու Վրաստանի համար վիզաների չեղարկման հարցը: «Վաղը կարծում եմ Եվրոխորհրդարանը կաջակցի Վրաստանի համար վիզաների չեղարկման հարցին»,- հայտարարել է Եվրոխորհրդարանի արտաքին հարցերով կոմիտեի նախագահ Դեւիդ Մակալլիստերը Վրաստանի խորհրդարանի խոսնակ Իրակլի Կոբախիձեի հետ հանդիպումից հետո:
Բրյուսելում այս առիթով արդեն գտնվում է Վրաստանի խորհրդարանական պատվիրակությունը խորհրդարանի խոսնակ Իրակլի Կոբախիձեի գլխավորությամբ:
Չնայած դրան ռուսական ՏԱՍՍ գործակալությունը Եվրոխորհրդարանի վրա հղումով ժամեր առաջ տարածել է տեղեկություն, թե իբր Եվրոխորհրդարանը հետաձգել է Վրաստանի համար վիզաների չեղարկման մասին տեխնիկական պայմանավորվածության վերաբերյալ քվեարկությունը:
