Իրան-Օման կապերն ամրապնդվում են

Իրանի ԱԳ նախարար Հոսեյն Ամիր Աբդոլլահիանի գլխավորած պատվիրակությունը հանդիպել է Օմանի ԱԳ նախարար Բադր բին Համադ Ալ Բուսաիդինի հետ։ Աբդոլլահիանը բարձր է գնահատել երկկողմ հարաբերությունների զարգացմանն ուղղված Օմանի քաղաքականությունը և նշել, որ Իրանի նախագահի այցը Մասքաթ, ինչպես նաև Օմանի սուլթանի առաջիկա այցը Թեհրան շրջադարձային է տարբեր ոլորտներում երկու երկրի հարաբերությունների զարգացման գործում։
Հանդիպմանը կողմերը քննարկել են նաև տարածաշրջանային կայունությանն առնչվող հարցեր, այդ թվում՝ Իրան-Սաուդյան Արաբիա հարաբերությունների կարգավորումը, Սիրիայի և Եմենի խնդիրները։