Արայիկ Հարությունյանը և ԱԺ «Միասնական հայրենիք» խմբակցության անդամները քննարկել են Արցախի ռազմաքաղաքական իրավիճակին վերաբերող հարցին
![Արայիկ Հարությունյանը և ԱԺ «Միասնական հայրենիք» խմբակցության անդամները քննարկել են Արցախի ռազմաքաղաքական իրավիճակին վերաբերող հարցին Արայիկ Հարությունյանը և ԱԺ «Միասնական հայրենիք» խմբակցության անդամները քննարկել են Արցախի ռազմաքաղաքական իրավիճակին վերաբերող հարցին](https://www.1lurer.am/images/news/33/161311/170223miasnakanhayreniq.jpeg)
Արցախի Հանրապետության նախագահ Արայիկ Հարությունյանն այսօր ընդունել է Արցախի ԱԺ «Միասնական հայրենիք» խմբակցության անդամներին: Այս մասին հայտնում են Արցախի նախագահի աշխատակազմի տեղեկատվության գլխավոր վարչությունից:
Քննարկվել են Արցախի ռազմաքաղաքական իրավիճակին, 2022 թվականի դեկտեմբերի 12-ից շարունակվող շրջափակման պայմաններում երկրում ծագած սոցիալ-տնտեսական խնդիրներին վերաբերող հարցեր:
Նախագահ Հարությունյանը ներկայացրել է իրադրության հաղթահարման ուղղությամբ գործադիր իշխանության կողմից ձեռնարկվող քայլերը:
Հատուկ անդրադարձ է եղել նախագահի նախաձեռնությամբ Արցախի Սահմանադրության փոփոխության հարցին:
Արայիկ Հարությունյանն ընդգծել է ստեղծված բարդ պայմաններում ներքին կայունության պահպանման անհրաժեշտությունը և այդ հարցում խորհրդարանի ունեցած առանցքային դերակատարությունը: