Վրաստանի արտաքին գործերի նախարարությունը հրապարակել է Թուրքիայում տեղի ունեցած երկրաշարժի պատճառով դեսպանատան և գլխավոր հյուպատոսությունների թեժ գծի համարները
Թուրքիայում տեղի ունեցած երկրաշարժի պատճառով Վրաստանի արտաքին գործերի նախարարությունը հրապարակում է երկրի դեսպանատան և գլխավոր հյուպատոսությունների թեժ գծի համարները։
«Թուրքիայի Հանրապետությունում տեղի ունեցած երկրաշարժի պատճառով Ստամբուլում և Տրապիզոնում Վրաստանի դեսպանատներում և գլխավոր հյուպատոսություններում թեժ գիծ է գործարկվել։
Թուրքիայում գտնվող Վրաստանի քաղաքացիները հնարավորություն ունեն կապ հաստատել.
Վրաստանի դեսպանություն Անկարայում +905336903040, +905392208280. Գլխավոր հյուպատոսություն Ստամբուլում +905418184400. Գլխավոր հյուպատոսություն Տրապիզոնում +905413262226։
Վրաստանի արտաքին գործերի նախարարությունը և Վրաստանի դիվանագիտական ներկայացուցչությունները ևս մեկ անգամ հայտնում են իրենց խորը վիշտը տեղի ունեցածի համար և իրենց համերաշխությունը հայտնում Թուրքիայի կառավարությանն ու բնակչությանը»,- ասված է ԱԳ նախարարության հաղորդագրության մեջ։
Վերջին տվյալներով՝ Թուրքիայում տեղի ունեցած ուժգին երկրաշարժի հետեւանքով զոհվել է 284, վիրավորվել՝ 2323 մարդ։ Աղետը վնասել է երկրի հարավ-արևելքում գտնվող ավելի քան տասը քաղաք։ Տեղում մոբիլիզացված են փրկարարները, իրավապահներն ու բանակը։Այս մասին տեղեկանում ենք Վրաստանի առաջին ալիքի կայքից։
