Զելենսկին գլխավոր դատախազի և անվտանգության ծառայության ղեկավարի պաշտոնանկությունը բացատրել է դավաճանության գործերով
![Զելենսկին գլխավոր դատախազի և անվտանգության ծառայության ղեկավարի պաշտոնանկությունը բացատրել է դավաճանության գործերով Զելենսկին գլխավոր դատախազի և անվտանգության ծառայության ղեկավարի պաշտոնանկությունը բացատրել է դավաճանության գործերով](https://www.1lurer.am/images/news/28/139399/f62d50ef8172aa_62d50ef8172ec.jpeg)
Ուկրաինայի նախագահ Վոլոդիմիր Զելենսկին բացատրել է Ուկրաինայի անվտանգության ծառայության ղեկավար Իվան Բականովի և երկրի գլխավոր դատախազ Իրինա Վենեդիկտովայի պաշտոնանկության պատճառը, գրում է DW-ն։
Հունիսին Politico-ն, հղում անելով աղբյուրներին, հայտնել էր, որ Ուկրաինայի նախագահը ցանկանում է փոխել Անվտանգության ծառայության ղեկավարին՝ պատերազմի ժամանակ Խերսոնի կորստի պատճառով։
Զելենսկու խոսքով՝ երկրում 651 քրեական գործ է հարուցվել դատախազության, նախաքննության և այլ իրավապահ մարմինների աշխատակիցների դավաճանության ու (ՌԴ-ի հետ — խմբ.) համագործակցության մեղադրանքով։ «Դատախազության և Անվտանգության ծառայության ավելի քան 60 աշխատակիցներ մնացել են Ռուսաստանի օկուպացրած տարածքներում և աշխատում են «մեր պետության դեմ»,- ասել է Զելենսկին։