Ուկրաինան 4,8 միլիոն աշխատատեղ է կորցրել ռազմական գործողությունների սկզբից ի վեր․ DW

Աշխատանքի միջազգային կազմակերպության տվյալներով՝ Ուկրաինան կորցրել է 4,8 միլիոն աշխատատեղ Ռուսաստանի հատուկ ռազմական գործողությունից ի վեր՝ հայտնում է DW-ն։ Եթե ​​հակամարտությունը երկարաձգվի, մինչև յոթ միլիոն աշխատատեղ կվերանա, կամ 43,5 տոկոսը՝ զգուշացրել է ՄԱԿ-ը։

Ուկրաինայի ճգնաժամն ազդում է նաև հարևան երկրների վրա, առաջին հերթին՝ Հունգարիայի, Մոլդովայի, Լեհաստանի, Ռումինիայի և Սլովակիայի։ «Եթե մարտերը շարունակվեն, ուկրաինացի փախստականները ստիպված կլինեն ավելի երկար մնալ արտագաղթած, ինչը լրացուցիչ ճնշում կգործադրի այս երկրների աշխատաշուկայի ու սոցիալական պաշտպանության համակարգերի վրա, կմեծացնի գործազրկությունը նրանցից շատերում»,- ասվում է ՄԱԿ-ի զեկույցում։