Գազայի հատվածում ավելի քան կես միլիոն մարդ տառապում է սովից. ՄԱԿ

ՄԱԿ-ի զեկույցի համաձայն՝ Գազայի հատվածում աղետալի սով է: «Ավելի քան կես միլիոն մարդ տառապում է սովից և աղքատությունից»,- ասված է փաստաթղթում։ Նշվում է, որ ներկայիս տեմպերով մինչև հոկտեմբեր Գազայի հատվածի ավելի քան 640.000 բնակիչ չի ունենա սնունդ, 1.14 միլիոն մարդ կհայտնվի արտակարգ, իսկ ևս 396.000 մարդ՝ ճգնաժամային վիճակում։ Իսրայելի արտաքին գործերի նախարարությունը հերքում է ՄԱԿ-ի գնահատականները՝ այն որակելով կեղծ և ՀԱՄԱՍ-ի շահերին ծառայող։

Հայտնի է, որ մինչ օրս թերսնման պատճառով մահացածների թիվը հասել է 271-ի, այդ թվում՝ 112 երեխա: Ընդհանուր առմամբ, 2023 թվականի հոկտեմբերի 7-ից ի վեր զոհվել է 62000-ից ավելի պաղեստինցի:

Մանրամասները՝ տեսաշարում: