Պակիստանում ջրհեղեղի հետևանքով զոհերի թիվը հասել է 300-ի

Պակիստանում և Հնդկաստանում ուժեղ անձրևների և ջրհեղեղների հետևանքով զոհերի թիվը հասել է 365-ի: Զոհերից ավելի քան 300-ը Պակիստանից են: Տասնյակ գյուղեր ամբողջությամբ ջրի տակ են անցել, բազմաթիվ բնակիչներ համարվում են անհայտ կորած։ 

Ըստ աղետների կառավարման տեղական գործակալության՝ կլիմայի փոփոխության պատճառով ամենաշատը տուժել է Պակիստանի հյուսիսային Խայբեր-Պախտունխվա նահանգի Բուներ շրջանը: Վնասի ճշգրիտ չափը դեռ հայտնի չէ։ Շարունակվող վատ եղանակը և աղետի գոտու հեռավորությունը խոչընդոտում են փրկարարական աշխատանքները:

Նույն նահանգի Մոհմանդ շրջանում վթարի է ենթարկվել նաև Մի-17 ուղղաթիռը, որը մարդասիրական օգնություն էր տեղափոխում տուժած շրջաններ։ Զոհվել է անձնակազմի հինգ անդամ, այդ թվում՝ երկու օդաչու։ 

Նահանգային իշխանությունները օգոստոսի 16-ը հայտարարել են սգո օր։

Հեղինակ՝ Լուսինե Հակոբյան