Փարիզի ահաբեկչական հարձակման համար կասկածվողը ձերբակալվել է. Euronews 04.12.2023 . Միջազգային
Ֆրանսիայի 26-ամյա քաղաքացին իրանցի ներգաղթյալների ընտանիքից, Փարիզի կենտրոնում դանակով և մուրճով հարձակվել է անցորդների վրա, ինչի հետևանքով գերմանացի զբոսաշրջիկը մահացել է, ևս երկուսը ստացել են ծանր վնասվածքներ:
Հարձակվողը ձերբակալվել է, գործողության ժամանակ նա գոռացել է «Ալլահ աքբար» բառերը, իսկ հարցաքննության ժամանակ ասել է, որ զայրացած է այն ամենի համար, ինչ կատարվում է Գազայի հատվածում, և դրանում, իր կարծիքով, ներգրավված է Ֆրանսիան։
Նախկինում նա ձերբակալված է եղել և չորս տարի բանտային պատիժ է կրել ահաբեկչություն նախապատրաստելու մեղադրանքով:
Ֆրանսիայի նախագահն ու վարչապետը ցավակցել են հարձակումից տուժածներին, իսկ վարչապետ Էլիզաբեթ Բորնը X սոցիալական ցանցում գրել է.«Մենք չենք տրվի ահաբեկչությանը, երբեք»:
