Սամցխե-Ջավախքի պետական համալսարանում տեղի ունեցավ 1+4 ծրագրի այս տարվա շնորհանդեսը
![Սամցխե-Ջավախքի պետական համալսարանում տեղի ունեցավ 1+4 ծրագրի այս տարվա շնորհանդեսը Սամցխե-Ջավախքի պետական համալսարանում տեղի ունեցավ 1+4 ծրագրի այս տարվա շնորհանդեսը](https://mediaanalytic.org/wp-content/uploads/2018/10/integrity.jpg)
Սամցխե-Ջավախքի պետական համալսարանում տեղի ունեցավ 1+4 ծրագրի շնորհանդեսը, որը ներկայացրեց քաղաքացիական ինտեգրման բաժնի ղեկավար Էլիսո Լոմիձեն:
Հանդիպումը կազմակերպվել էր հատուկ 1+4 ծրագրի մասնակից ուսանողների համար: Ծրագրի նպատակն է երիտասարդների աշխատանքով ապահովելը և ինտեգրելը վրաց հասարակության մեջ:
1+4 կրթական ծրագրի մասնակիցները կկարողանան մեկից մինչեւ վեց ամսվա փորձ ձեռք բերել պետական հաստատություններում, տեղական ինքնակառավարման մարմիններում եւ այլ հանրային ծառայություններում:
«Ծրագիրը գործում է 2017 թվից և սա արդեն երկրորդ ընդունելությունն է: Կարծում ենք, որ սա ազգային փոքրամասնությունների համար հասարակության մեջ լիարժեք ինտեգրման լավագույն միջոցն է»,- ասում է Էլիսո Լոմսաձեն:
Փորձառություն ձեռք բերելու ծրագրին մասնակցել ցանկացողները պետք է լրացնեն հայտը մինչեւ հոկտեմբերի 22-ը:2018 թվի աշնանային ընդունելության համար ազատ է 500 տեղ: Ցանկացողները մանրամասն տեղեկատվություն կարող են ստանալ Հաշտության և քաղաքացիական հավասարության հարցերում Վրաստանի պետական նախարարության վեբ կայքում:
Հատուկ ստեղծված հանձնաժողովը ծրագրին մասնակցել ցանկացողներին կընտրի հատուկ սահմանված չափանիշների համաձայն:
Akhaltskha.Net