Հստակ զուգահեռներ կան Հայոց ցեղասպանության և Լաչինի միջանցքի շարունակվող շրջափակման միջև. Փալոն

ԱՄՆ Ներկայացուցիչների պալատի անդամ Ֆրենկ Փալոնը տեղեկացրել է, որ Կապիտոլիումի բարձունքում հարգանքի տուրք է մատուցվել Հայոց ցեղասպանության զոհերի հիշատակին:
«Հստակ զուգահեռներ կան անցյալի այդ հանցագործությունների և Լաչինի միջանցքի շարունակվող շրջափակման միջև։ ԱՄՆ-ը պետք է արագ գործի, որպեսզի կանխի ճգնաժամը»,- Twitter-ի իր միկրոբլոգում գրել է կոնգրեսականը:
ԱՄՆ Կոնգրեսում Հայոց ցեղասպանության տարելիցին նվիրված միջոցառման ժամանակ էլ Փալոնը նշել է, որ Արցախում նախորդ տարիների և այժմ շարունակվող ագրեսիան, ինչպես նաև Լաչինի միջանցքի փակումը ոչ այլ ինչ է, քան ցեղասպանության շարունակություն:
Կոնգրեսականի խոսքով՝ Հայկական հարցերով հանձնախմբի անդամները բազմիցս հիշեցրել են ԱՄՆ պետքարտուղարությանը, որ Լաչինի միջանցքի արգելափակումն անընդունելի է: Փալոնը նաև հիշեցրել է, որ Կոնգրեսը ճանաչել է Հայոց ցեղասպանությունը, և բարձր է գնահատել նախագահ Ջո Բայդենի կողմից Հայոց ցեղասպանության ճանաչումը:

Today on Capitol Hill, we honored the victims & survivors of the Armenian Genocide & acknowledged the resolve of the Armenian people. There are clear parallels between these past crimes & the ongoing blockade of the Lachin Corridor. The U.S. must act swiftly to avert a crisis. pic.twitter.com/4SIWMQp2GN
— Rep. Frank Pallone (@FrankPallone) April 20, 2023