Արայիկ Հարությունյանի գլխավորությամբ հրավիրված ԱԽ արտահերթ նիստում քննարկվել են Արցախի պաշտպանությանն առնչվող հարցեր
Արցախի Հանրապետության նախագահ Արայիկ Հարությունյանի նախագահությամբ մարտի 31-ին հրավիրվել է Արցախի Անվտանգության խորհրդի արտահերթ ընդլայնված նիստ։
Քննարկվել են Ադրբեջանի կողմից Արցախի շրջափակման խստացման և չդադարող սադրանքների պայմաններում Արցախի պաշտպանությանը, բնակչության անվտանգության և կենսագործունեության ապահովմանն առնչվող հարցեր։
Զեկույցներով հանդես են եկել պետական նախարար Գուրգեն Ներսիսյանը և պաշտպանության նախարար, գեներալ-լեյտենանտ Կամո Վարդանյանը։
Նախագահ Հարությունյանը կարևորել է ուժային և քաղաքացիական կառույցների, պետական կառավարման և տեղական ինքնակառավարման մարմինների սերտ և համակարգված համագործակցությունը հրատապ և երկարաժամկետ խնդիրների լուծման հարցում։
Քննարկված հարցերի համատեքստում Արցախի նախագահը տվել է մի շարք հանձնարարականներ լիազոր մարմիններին:
