Ուկրաինան չի դառնա չեզոք կարգավիճակ ունեցող երկիր. Ռեզնիկով
Ուկրաինայի պաշտպանության նախարար Ալեքսի Ռեզնիկովը հայտարարել է, որ Ուկրաինան հաստատ չի դառնա չեզոք կարգավիճակ ունեցող երկիր։
«Կրեմլի լոբբիստները թող չհուսան, որ Ուկրաինան կդառնա «չեզոք» երկիր: Եվրատլանտյան ինտեգրման ուղղությունն ամրագրված է Ուկրաինայի Սահմանադրությամբ, իսկ անդամակցության վերջին դիմումը արտահայտում է հասարակության ավելի քան 70 տոկոսի տրամադրությունը, քաղաքացիներ, որոնք միանշանակ աջակցում են և ձգտում են իրականացնել Հավաքական անվտանգության համակարգում Ուկրաինայի մասնակցության իրավունքը»,- գրել է Ռեզնիկովը ֆեյսբուքյան իր էջում։
Վոլոդիմիր Զելենսկին ավելի վաղ հայտարարել էր, որ Ուկրաինան դիմում է ՆԱՏՕ-ին՝ արագացված կարգով անդամակցելու համար։ ԱՄՆ նախագահի ազգային անվտանգության հարցերով օգնական Ջեյք Սալիվանը հայտարարել է, որ ՆԱՏՕ-ին Ուկրաինայի ընդունման ընթացակարգի իրականացումը ժամանակավրեպ է: Իսկ ՆԱՏՕ-ի գլխավոր քարտուղար Ենս Ստոլտենբերգն էլ, մեկնաբանելով Զելենսկու հայտարարությունը, հաստատել է, որ դաշինքը վարում է «բաց դռների» քաղաքականություն, սակայն ՆԱՏՕ-ն առայժմ իր ջանքերը կկենտրոնացնի Կիևի պաշտպանությունն ապահովելու վրա:
