Պակիստանի խորհրդարանը Ասիմ Մունիրին աննախադեպ լիազորություններ է շնորհել

Պակիստանի խորհրդարանը երկրի պատմության մեջ առաջին անգամ աննախադեպ լիազորություններ է շնորհել ցամաքային զորքերի հրամանատար Ասիմ Մունիրին: Այժմ Մունիրը ստացել է Պակիստանի ցամաքային զորքերի, ռազմածովային և ռազմաօդային ուժերի միասնական հրամանատարի կարգավիճակ։

Նա իրավունք ունի աշխատանքից ազատել, պահեստազոր ուղարկել կամ ծառայության մեջ թողնել բոլոր տեսակի զորքերի զինծառայողներին՝ առանց նախարարների կաբինետի հաստատման: Նրա հնգամյա ժամկետը նախատեսված է առնվազն մինչև 2030 թվականը։

Նշվում է, որ ֆելդմարշալի կոչում շնորհելուց հետո Մունիրն այդ կարգավիճակը պահպանում է ցմահ: Օրենքը նաև նրան ցմահ անձեռնմխելիություն է տալիս, իսկ նրա հեռացման ընթացակարգը պահանջում է որակյալ մեծամասնություն խորհրդարանում: