Ռուսաստանի օդային հարվածների հետևանքով Ուկրաինայի Օդեսա քաղաքում 17 մարդ է վիրավորվել

Ռուսաստանի օդային հարվածների հետևանքով Ուկրաինայի Օդեսա քաղաքում 17 մարդ է վիրավորվել, նրանցից երեքը՝ երեխա: Այդ մասին հայտնել է քաղաքի ռազմական վարչակազմի ղեկավարը։ Նրա փոխանցմամբ՝ գիշերային հարձակման հետևանքով վնասվել է 21-հարկանի բնակելի շենք։

Օդեսան ռուսական զանգվածային հարձակման էր ենթարկվել նաև նախորդ գիշեր։ Երեկ հաղորդվել էր ութ վիրավորի, այդ թվում՝ հինգ տարեկան երեխայի մասին։ Վնասվել էին բնակելի շենքեր, երկու կրթօջախ, բիզնես կենտրոն, պահեստներ և մեքենաներ։

Միաժամանակ Մոսկվայի քաղաքապետ Սերգեյ Սոբյանինը հայտնել է, որ օրվա սկզբից հակաօդային պաշտպանության միջոցները Մոսկվայի ուղղությամբ թռչող 60-ից ավելի անօդաչու են խոցել։ Մերձմոսկովյան շրջանում ԱԹՍ-ների անկման մի քանին վայրում հրդեհներ են բռնկվել:

«Ռոսավիացիայի» փոխանցմամբ՝ Դոմոդեդովո և Ժուկովսկի օդանավակայաններում ժամանակավոր սահմանափակումներ են սահմանվել, իսկ Շերեմետևո և Վնուկովո օդանավակայաններում չվերթներն իրականացվում են համաձայնեցված կարգով։