Ասպինձայի մունիցիպալիտետում շարունակվում են գյուղական ճանապարհների վերականգնման աշխատանքները

Ասպինձայի մունիցիպալիտետի քաղաքապետ Ռոստոմ Մաղրաքվելիձեն, Սակրեբուլոյի նախագահ Բեսիկ Բերիձեն և տեղական ինքնակառավարման մարմինների ներկայացուցիչները տեղում ծանոթացել են Ձվելի և Ճոբարեթ գյուղերում իրականացվող ճանապարհային ենթակառուցվածքների բարելավման աշխատանքների ընթացքին։

Իրականացվող նախագծերի շրջանակում ակտիվորեն ընթանում են գյուղերի ներքին ճանապարհների վերականգնումը, ինչպես նաև ճանապարհային անհրաժեշտ ենթակառուցվածքների կազմակերպման աշխատանքները, որոնք միտված են բնակիչների համար առավել անվտանգ և հարմարավետ երթևեկության պայմանների ստեղծմանը։

Երկու գյուղերում իրականացվող ենթակառուցվածքային ծրագրերի ընդհանուր պայմանագրային արժեքը կազմում է 1 304 900 լարի։

Նշվել է, որ աշխատանքներն իրականացվում են սահմանված ժամանակացույցին համապատասխան և գտնվում են ակտիվ փուլում։ Նախագծերի ավարտից հետո զգալիորեն կբարելավվեն գյուղերի ներքին ճանապարհային ենթակառուցվածքները, կբարձրանա տրանսպորտային հասանելիությունը և կստեղծվեն առավել բարենպաստ պայմաններ տեղի բնակչության համար։