Լեհաստանի ռազմաօդային ուժերը ստացել են F-35 կործանիչներ

Լեհաստանի ռազմաօդային ուժերն ընդունել են ԱՄՆ-ից գնված առաջին երեք F-35 Lightning II կործանիչները՝ հայտնել է Լեհաստանի պաշտպանության նախարարության մամուլի ծառայությունը։

«F-35-ը ձեռք բերելով՝ Լեհաստանը միացել է այս ինքնաթիռներն ունեցող 20 երկրի էլիտար խմբին, դառնալով ՆԱՏՕ-ի արևելյան թևի առաջին պետությունը, որը ստացել է դրանք»,- ընդգծել է նախարարությունը։

F-35-ները Լեհաստան կմատակարարվեն 2026-2030 թվականներին։ Lockheed Martin-ի արտադրած ընդհանուր առմամբ 32 հինգերորդ սերնդի F-35 ինքնաթիռ (երկու էսկադրիլիա) կմատակարարվի Լեհաստանի ռազմաօդային ուժերին։ Դրանց գնման արժեքը կազմում է 4,6 միլիարդ դոլար։

Կործանիչները, մասնավորապես, զինված են AGM-88G AARGM-ER հակառադարային հրթիռներով և AMRAAM օդ-օդ դասի AIM-120D-3 հրթիռի վերջին տարբերակով՝ մինչև 180 կմ հեռահարությամբ և խոչընդոտների նկատմամբ կայուն ուղղորդման համակարգով: