ԱՄՆ-ը առաջ է մղում նոր միջազգային կոալիցիա Հորմուզի նեղուցում նավարկության ազատությունն ապահովելու համար

Wall Street Journal-ը, հղում անելով Պետքարտուղարության հեռագրին, հաղորդում է, որ ԱՄՆ-ը հրավիրում է այլ երկրների՝ միանալ նոր միջազգային կոալիցիային՝ Հորմուզի նեղուցով նավերի անարգել անցումը վերականգնելու համար։

Հեռագրի համաձայն՝ ԱՄՆ-ի գլխավորած նոր կոալիցիան տեղեկատվություն կփոխանակի, կհամակարգի դիվանագիտական ​​ջանքերը և կապահովի պատժամիջոցների պահպանումը։

«Հավաքական գործողություններն անհրաժեշտ են միասնականություն, վճռականություն դրսևորելու և նեղուցով տարանցումը խոչընդոտող Իրանին էական ծախսեր պարտադրելու համար»,- նշված է տեքստում:

Ենթադրվում է, որ Պետդեպարտամենտը և ԱՄՆ ԶՈՒ կենտրոնական հրամանատարությունը (CENTCOM) համատեղ կգործարկեն առաքելությունը:

Նախաձեռնությունը, որը կոչվում է «Նավագնացության ազատության ծովային կոալիցիա » (MFC), կլրացնի մյուս միջոցառումները, այդ թվում՝ Ֆրանսիայի և Մեծ Բրիտանիայի գլխավորությամբ Հորմուզի նեղուցի անվտանգությունը:

Մեծ Բրիտանիայի վարչապետ Քիր Սթարմերը ապրիլի 17-ին հայտարարել է, որ Լոնդոնն ու Փարիզը մտադիր են գլխավորել Հորմուզի նեղուցում անվտանգ նավարկության ապահովման առաքելությունը, իրենց ներդրումն են հայտնել նաև Հռոմն ու Բեռլինը: