Ախալցխայում շարունակվում է նոր հանրային դպրոցի կառուցումը
Ախալցխայում շարունակվում են նոր հանրային դպրոցի կառուցման աշխատանքները։ Վրաստանի ենթակառուցվածքների նախարար Ռևազ Սոխաձեն, Մունիցիպալ զարգացման հիմնադրամի գործադիր տնօրեն Գիորգի Շոնիան, Ախալցխայի մունիցիպալիտետի քաղաքապետ Վարլամ Ծիկլաուրին, պետական ներկայացուցիչ Զաալ Գելաշվիլին և տեղական ինքնակառավարման մարմինների ներկայացուցիչները տեղում ծանոթացել են իրականացվող աշխատանքների ընթացքին և նախատեսվող նախագծերի մանրամասներին։
Նոր կրթական հաստատությունը կառուցվում է Ախալցխա քաղաքի Ռուսթավելի փողոցի 124 հասցեում։ Նախագիծն իրականացվում է Վրաստանի ենթակառուցվածքների նախարարության Մունիցիպալ զարգացման հիմնադրամի կողմից՝ պետական բյուջեի ֆինանսավորմամբ։
Ծրագրի շրջանակում կառուցվում է ժամանակակից կրթական համալիր, որը նախատեսված է 650 աշակերտի համար և ապահովելու է անվտանգ, ժամանակակից ու բարձրորակ ուսումնական միջավայր։
Նշվում է, որ դպրոցի շինարարական աշխատանքները նախատեսվում է ավարտել ընթացիկ տարում, իսկ նախագծի ընդհանուր արժեքը կգերազանցի 14 միլիոն լարին։
Նոր կրթական տարածքը կհամապատասխանի ժամանակակից կրթական չափանիշներին և ներառելու է ուսումնական գործընթացի կազմակերպման համար անհրաժեշտ ամբողջ ենթակառուցվածքային համակարգը։
