Արաղչին հեռացել է Իսլամաբադից, ամերիկյան պատվիրակոթյունն՝ այդպես էլ չի ժամանել

Իսլամաբադում կայացած բանակցություններից հետո, այդ թվում՝ Պակիստանի վարչապետ Շահբազ Շարիֆի և բանակի ղեկավար Ասիմ Մունիրի հետ, Իրանի ԱԳ նախարար Աբբաս Արաղչին մեկնել է Օման՝ առանց հանդիպելու ամերիկյան պատվիրակության հետ:

Պակիստանի պաշտոնյաները CBS News-ին հայտնել են, որ սպասվում է, որ Արաղչին կվերադառնա Իսլամաբադ կիրակի կամ երկուշաբթի՝ Մոսկվա այցից հետո:

ԱՄՆ հատուկ բանագնացներ Սթիվ Ուիթքոֆը և Ջարեդ Քուշները դեռևս չեն մեկնել Իսլամաբադ՝ իրանական կողմի հետ բանակցությունների: Ավելի վաղ Սպիտակ տունը հայտարարել էր, որ նրանք կմեկնեն շաբաթ առավոտյան:

Լրատվամիջոցներն էլ գրում են որ Դոնալդ Թրամփը չեղարկել է Ուիթքոֆի և Քուշների այցը Պակիստան: Նշվում է, որ ԱՄՆ նախագահը հայտարարել է՝ ամերիկացի բանակցողները 18-ժամյա թռիչք չեն կատարի «ոչնչի մասին» խոսելու համար: