Webby Awards-ի գլխավոր մրցանակը ստացել է «Զայեդ» մրցանակի մասին պատմող ֆիլմը

«Զայեդ» մարդկային եղբայրության մրցանակի և դրան արժանացած մրցանակակիրների՝ Հայաստանի վարչապետ Նիկոլ Փաշինյանի, Ադրբեջանի նախագահ Իլհամ Ալիևի մասին պատմող Heartbeat of Humanity (Մարդկության սրտխփոցը) ֆիլմն արժանացել է Webby Awards-ի մրցանակաբաշխության՝ Թվային արվեստների և գիտությունների միջազգային ակադեմիայի մրցանակին: Այն հաղթել է նաև «Լավագույն վավերագրական ֆիլմ» անվանակարգում՝ ավելի քան 4 մլն երկրպագուների քվեարկության արդյունքում: Այս մասին հայտնում է The National-ը:

Հաղթողները մրցանակները կստանան մայիսի 11-ին` Նյու Յորքում: Հիշեցնենք, որ Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը փետրվարի 4-ին արժանացել են «Զայեդ» մարդկային եղբայրության 2026 թվականի մրցանակին՝ ի նշանավորումն Հայաստանի Հանրապետության ու Ադրբեջանի Հանրապետության միջև խաղաղության հաստատման և տարածաշրջանում համագործակցության և կայունության  ապահովման օրակարգը հետևողականորեն խթանելու համար։