Պակիստանը ցամաքային միջանցքներ է բացում իրանական բեռների տարանցման համար՝ շրջանցելով Հորմուզի նեղուցը

Պակիստանն Իրանին վեց ցամաքային միջանցք է տրամադրել, որոնք թույլ կտան բեռների տարանցում իրականացնել՝ շրջանցելով Հորմուզի նեղուցը, հայտնել է Պակիստանի առևտրի նախարարությունը:

Dawn թերթի տվյալներով՝ Կարաչի նավահանգստում ներկայում կուտակվել է ավելի քան 3 հազար կոնտեյներ, որոնք նախատեսված են Իրան առաքելու համար: Նրանց մեկնումն արդեն սկսվել է։

Միևնույն ժամանակ, Պակիստանի իշխանությունները մտադիր են Գվադար նավահանգիստը, որը գտնվում է Արաբական ծովի ափին՝ Իրանի սահմանից 70 կմ հեռու, օգտագործել որպես իրանական բեռների ապագա խոշոր տարանցիկ և լոգիստիկ կենտրոն։