Դեսպան Գևորգյանը Ուրուգվայի ՇՄ նախարարին է ներկայացրել COP 17-ում ՀՀ նախագահության առաջնահերթությունները

Ուրուգվայում ՀՀ դեսպան Մարիամ Գևորգյանը հանդիպել է Ուրուգվայի Շրջակա միջավայրի նախարար Էդգարդո Օրտունյոյի հետ: Այս մասին հայտնում է դեսպանությունը։

Զրուցակիցներն անդրադարձել են 2026թ. հոկտեմբերի 19-ից 30-ը Երևանում կայանալիք ՄԱԿ-ի Կենսաբանական բազմազանության մասին կոնվենցիայի կողմերի 17-րդ համաժողովին՝ COP 17-ին վերաբերող մի շարք հարցերի: ՀՀ դեսպանը ներկայացրել է համաժողովի կազմակերպչական աշխատանքները և Հայաստանի նախագահության առաջնահերթությունները: