ԱՄՆ շրջափակման հետևանքով իրանական Չաբահար նավահանգստում կուտակվել է ավելի քան 20 նավ

Ամերիկյան ռազմական շրջափակման պայմաններում Օմանի ծոցում գտնվող իրանական Չաբահար նավահանգստում կուտակվել է ավելի քան 20 առևտրային նավ, հայտնել է Մերձավոր Արևելքում ԱՄՆ ԶՈՒ կենտրոնական հրամանատարությունը (CENTCOM):

Ըստ տվյալների՝ նավթով բեռնված նավերը չեն կարողանում ծով դուրս գալ իրանական նավահանգիստները շրջափակելու՝ ԱՄՆ ռազմածովային ուժերի գործողությունների պատճառով։ Մինչ Իրանի դեմ ռազմական գործողության սկսվելը Չաբահար նավահանգստում սովորաբար բեռնվում էր հինգից ոչ ավելի նավ, նշել է CENTCOM-ը:

Երեքշաբթի հրամանատարությունը հայտնել է, որ ԱՄՆ ռազմածովային ուժերի նավերը և ուղղաթիռները, ամերիկյան ծովային շրջափակման սկզբից ի վեր, կալանել են Իրանի հետ կապված 39 առևտրային նավ, որոնք մեկնում էին կամ ուղևորվում իրանական նավահանգիստներ։