Սիրիայի ԱԳՆ-ն հերքել է Իսրայելի հետ անվտանգության համաձայնագիր ստորագրելու ծրագրերի մասին լուրերը

Սիրիայի արտաքին գործերի նախարարությունը հերքել է Իսրայելի հետ անվտանգության համաձայնագիր ստորագրելու ծրագրերի մասին տեղեկությունները՝ փոխանցում է Syria TV հեռուստաալիքը։

Ավելի վաղ Independent Arabia պարբերականը, վկայակոչելով Սիրիայում իր աղբյուրները, գրել է, որ Սիրիան և Իսրայելը սեպտեմբերի 25-ին անվտանգության մասին համաձայնագիր կստորագրեն ԱՄՆ հովանու ներքո: Ըստ աղբյուրի` փաստաթղթի ստորագրմանը, իբր, նախորդելու է Սիրիայի նախագահ Ահմեդ աշ-Շարաայի ելույթը Նյու Յորքում սեպտեմբերի 24-ին՝ ՄԱԿ-ի Գլխավոր վեհաժողովի 80-րդ նստաշրջանի ընթացքում: