Լուկաշենկոն չի ծրագրում առաջադրվել ևս մեկ նախագահական ժամկետի համար

Time ամսագրի թղթակից Սայմոն Շուստերի հետ հարցազրույցում Բելառուսի նախագահ Ալեքսանդր Լուկաշենկոն ասել է, որ չի պատրաստվում առաջադրվել նախագահի պաշտոնի համար հաջորդ ընտրությունում։

Լուկաշենկոն նաև նշել է, որ չի տեսնում իր կրտսեր որդուն՝ Նիկոլային, որպես նախագահի պաշտոնի իրավահաջորդ։

Պետության ղեկավարը խոստովանել է, որ Բելառուսի հաջորդ նախագահը կարող է լինել մի անձնավորություն, որը կվարի մի փոքր այլ քաղաքականություն։ «Բայց թող նա միանգամից ոչինչ չխախտի, այլ՝ ինչպես ես արեցի, հենվի ուժեղների ուսերին, այն ամենի վրա, ինչ ունենք, հանգիստ էվոլյուցիոն կերպով զարգացնելով երկիրը, որպեսզի հեղափոխական փլուզում չլինի։ Եվ եթե նա համոզի հասարակությանը, որ մենք պետք է շարժվենք այլ ուղղությամբ՝ Աստծո սիրուն»,- ասել է նախագահը։

Լուկաշենկոն Բելառուսի նախագահ է դարձել 1994 թվականին։