ԵՄ-ն համաձայնել Է Ուկրաինային ռազմական օգնության ֆինանսավորումը ավելացնել 3,5 մլրդ եվրոյով

ԵՄ երկրները երկուշաբթի պայմանավորվել են 3,5 միլիարդ եվրոյով (3,8 միլիարդ դոլար) ավելացնել Ուկրաինայի ռազմական օգնությունը՝ ֆինանսավորման վերին շեմը բարձրացնելով մինչև 12 միլիարդ եվրո, տեղեկացնում է Reuters-ը:
Անցյալ շաբաթ ԵՄ աղբյուրները հայտնել էին, որ Միության բարձրաստիճան դիվանագետ Ժոզեպ Բորելը դիմել է կառավարություններին՝ խնդրելով բարձրացնել Եվրոպական խաղաղության հիմնադրամի (EPF) ֆինանսական վերին շեմը, որն արդեն շուրջ 4,6 միլիարդ եվրո ռազմական օգնություն է հատկացրել Ուկրաինային:
Եվրոպական խաղաղության հիմնադրամը (EPF) ստեղծվել է 2021 թվականին, ԵՄ-ի կողմից՝ օգնելու զարգացող երկրներին ռազմական տեխնիկա գնելու հարցում։ Ըստ լրատվականի՝ 27 անդամից բաղկացած միությունը արագորեն որոշեց այն օգտագործել նաև Ուկրաինա զենք առաքելու համար՝ անցյալ տարվա փետրվարին Ռուսաստանի ռազմական գործողություններից:

Հիմնադրամը գործում է ԵՄ բյուջեից առանձին, քանի որ, ըստ կանոնակարգի, ԵՄ բյուջեից չի թույլատրվում ֆինանսավորել ռազմական գործողությունները, բայց դա թույլ է տալիս ԵՄ երկրներին, որոնք զենք-զինամթերք են մատակարարում Ուկրաինային, պահանջել արժեքի մի մասի փոխհատուցում։ ԵՄ երկրները հիմնադրամում ներդրումներ են կատարում ըստ իրենց տնտեսության չափի։