Սև ծովի ափին՝ Բաթումում, ականի պայթյունի փաստով քրեական գործ է հարուցվել
Վրաստանի ներքին գործերի նախարարությունը Սև ծովի ափին՝ Բաթումում, ականի պայթյունի փաստով քրեական գործ է հարուցել՝ հայտնել են գերատեսչության մամուլի ծառայությունից։ Նախնական տվյալներով՝ զոհեր չկան։
Լողափից 25 մետր հեռավորության վրա տեղի ունեցած պայթյունի մասին ազդանշան ստանալուց հետո դեպքի վայր են մեկնել ՆԳՆ աշխատակիցներ, այդ թվում՝ սակրավորներ և հրշեջներ։ Ականի ծագման մասին տեղեկություններ դեռ չեն հաղորդվում:
Ռուսական և ուկրաինական լրատվամիջոցները հրապարակումներ են տարածում այն մասին, թե ում կարող էր պատկանել ականը: Կողմերն իրար են մեղադրում Սև ծովում ականներ տեղակայելու համար:
Նշվում է, որ Բաթումում պայթած ականը Վրաստանի ափերին է մոտեցել փոթորկի հետևանքով: Թուրքական կողմը և սևծովյան ավազանի երկրներն էլ պարբերաբար հայտնում են ծովային ականների պայթյունների մասին:
