Սեուլն արկեր կվաճառի Վաշինգտոնին՝ հետագայում Կիև առաքելու համար. Wall Street Journal
Հարավային Կորեայի իշխանությունները գտել են Ուկրաինային մահաբեր զենք չմատակարարելու պարտավորությունները շրջանցելու միջոց։ Երկիրը պատրաստվում է հրետանային արկեր վաճառել ԱՄՆ-ին, որոնք Վաշինգտոնը հետագայում կուղարկի Կիև, գրում է Wall Street Journal-ը։
ԱՄՆ-ը Սեուլից կգնի 100,000 արկ 155 մմ տրամաչափի հրետանու համար, որը պետք է մատակարարվի Ուկրաինա: Այն ուկրաինական հրետանային ստորաբաժանումներին կբավարարի առնվազն մի քանի շաբաթվա ինտենսիվ մարտերի համար:
Միևնույն ժամանակ, Հարավային Կորեայի պաշտպանության նախարարությունը շարունակում է պնդել, որ Սեուլը դարձյալ մտադիր չէ Կիևին մահաբեր զենք մատակարարել։
Ռուսաստանցի փորձագետներն արդեն գնահատել են այդ քայլի բացասական հետևանքները: Նրանք համոզված են, որ դա կվնասի Մոսկվայի և Սեուլի միջև 30 տարվա ընթացքում ձեռք բերված բարիդրացիական հարաբերությունները:
