ԵՄ գագաթնաժողովի մասնակիցները Չինաստանի հետ հարաբերությունները քննարկելիս անվտանգության նկատառումներով հանձնել են բջջային հեռախոսները
ԵՄ 27 երկրի ղեկավարները Բրյուսելում գագաթնաժողովի ժամանակ Չինաստանի հետ հարաբերությունները քննարկելիս անվտանգության նկատառումներով հանձնել են իրենց բջջային հեռախոսները։ Այս մասին հայտարարել է Եվրոպական խորհրդի ղեկավար Շառլ Միշելի մամուլի քարտուղար Բարենդ Լեյցը, հայտնում է ТАСС-ը։
Էստոնիայի վարչապետ Կայա Կալլասը գագաթնաժողով ժամանելուն պես ասել է, որ ԵՄ-ն ծրագրում է Չինաստանին դիտարկել որպես «համակարգային մրցակից» և պետք է ձգտի համաձայնեցնել ՉԺՀ-ի հետ հարաբերությունների միասնական մոտեցումը:
«Մենք պետք է Չինաստանի հետ աշխատենք «27+1» ձևաչափով»,- ասել է նա՝ նկատի ունենալով, որ ԵՄ-ն պետք է Պեկինի նկատմամբ իր քաղաքականությունը համաձայնեցնի Միացյալ Նահանգների քաղաքականության հետ։
