Պեկինը Հայաստանին ու Ադրբեջանին կոչ է անում խուսափել տարածաշրջանում իրավիճակի սրումից․ Չինաստանի ԱԳՆ
Չինաստանը Հայաստանին ու Ադրբեջանին կոչ է անում խուսափել տարածաշրջանում իրավիճակի սրումից։ Այդ մասին օգոստոսի 8-ին ճեպազրույցի ժամանակ հայտարարել է Չինաստանի ԱԳՆ պաշտոնական ներկայացուցիչ Վան Վենբինը։
«Հուսով ենք, որ երկու կողմերն էլ կհետևեն հրադադարի մասին պայմանավորվածություններին, ինչպես նաև կխուսափեն իրավիճակի հետագա էսկալացիայից»,- ասել է դիվանագետը։
Նա նշել է, որ երկու հանրապետությունները Չինաստանի համար բարեկամական երկրներ են։ Չինաստանի ԱԳՆ ներկայացուցիչը հույս է հայտնել, որ Երևանը և Բաքուն հնարավորություններ կգտնեն՝ տարաձայնությունները լուծելու քաղաքական երկխոսության շրջանակում:
