ՌԴ ԱԾ-ն խափանել է ռուսական ինքնաթիռների առևանգմանն ուղղված ուկրաինական հետախուզության գործողությունը
Ռուսաստանի անվտանգության դաշնային ծառայությունը հայտարարել է, որ խափանել է Ուկրաինայի պաշտպանության նախարարության գլխավոր հետախուզական վարչության գործողությունը՝ ուղղված ռուսական ռազմական ինքնաթիռների առևանգմանը։ Ռուսական հակահետախուզությունը գլխավոր հետախուզական վարչության դեմ օպերատիվ գործողության ընթացքում ստացել է տվյալներ, որոնց շնորհիվ ՌԴ զինված ուժերը ոչնչացրել են մի շարք ուկրաինական ռազմական օբյեկտներ:
«Ուկրաինայի ռազմական հետախուզության աշխատակիցները փորձել են հավաքագրել ռուս ռազմական օդաչուների, որոնք պետք է ռուսական ռազմական օդանավերն իջեցնեին Ուկրաինայի զինված ուժերի հսկողության տակ գտնվող օդանավակայաններում։ Դրա դիմաց նրանք ստանալու էին դրամական պարգևներ և ԵՄ երկրներից մեկի քաղաքացիություն»,- ասված է ՌԴ ԱԾ հաղորդագրությունում։
«Ակնհայտ է, որ գործողությունն իրականացվել է արևմտյան, առաջին հերթին՝ բրիտանական հետախուզական ծառայությունների աջակցությամբ»,- ասել է ԱԾ աշխատակիցը Россия 24-ի հեռուստաալիքի եթերում։
