Ղազախստանի նախագահը հանձնարարել է դիվերսիֆիկացնել նավթի մատակարարումները
Ղազախստանի նախագահ Կասիմ-Ժոմարտ Տոկաևը տրանսպորտային-տարանցիկ ներուժի զարգացման վերաբերյալ խորհրդակցություն է անցկացրել՝ ազգային նավթագազային ընկերությանը հանձնարարելով դիվերսիֆիկացնել նավթի մատակարարումը: Այս մասին նշված է երկրի ղեկավարի պաշտոնական կայքում:
Տոկաևը առաջնահերթ է համարել նավթի մատակարարման դիվերսիֆիկացումը: Նա Ղազախստանի ազգային նավթային ընկերությանը հանձնարարել է մշակել օպտիմալ տարբերակներ, այդ թվում՝ Թենգիզի նախագծի ներդրողներին ներգրավելու հնարավորությամբ։
Տրանսկասպյան միջազգային տրանսպորտային երթուղին սկսվում է Չինաստանից, անցնում Ղազախստանով և Կասպից ծովի ջրային տարածքով, ապա Ադրբեջանով հասնում Վրաստան և Թուրքիա։ Այնտեղից մատակարարումը կարող է շարունակվել դեպի Եվրոպայի երկրներ։
Տոկաևը հանձնարարել է նաև ավելացնել դեպի Չինաստան նավթամուղների հզորությունը:
