Վարչապետ Ջոնսոնի անհեռատես քաղաքականությունը կարող է Բրիտանիան վերածել վտարակի. CNN
Մեծ Բրիտանիայի վարչապետ Բորիս Ջոնսոնի տարաձայնությունները եվրոպացի գործընկերների և Մարդու իրավունքների եվրոպական դատարանի հետ կարող են երկիրը վերածել վտարակի։ Նման կարծիք է հայտնել CNN-ը:
Խոսքը վեճերի մասին է՝ կապված Հյուսիսիռլանդական արձանագրության մեջ փոփոխությունների մասին օրենքի հետ, որն առաջարկել է արտգործնախարար Լիզ Թրասը։ Եթե այն ընդունվի, Լոնդոնը հնարավորություն կունենա միակողմանիորեն անտեսել 2019 թվականին ԵՄ-ի հետ կնքված Brexit-ի համաձայնագրի կետերի մի մասը։
Այս կապակցությամբ ԵՄ-ն արդեն դատական գործընթաց է սկսել Լոնդոնի դեմ՝ նրան մեղադրելով արձանագրությամբ նախատեսված մի շարք պայմաններ չկատարելու համար։
Մեկ այլ հանգամանք, որի պատճառով Բրիտանիան, իբր, կարող է վտարակ դառնալ, փախստականներին Ռուանդա ուղարկելու երկրի կառավարության ծրագիրն է։ ՄԻԵԴ-ը կարծում է, որ ապաստան հայցողները դեռ չեն սպառել Թագավորության բոլոր իրավական հնարավորությունները, ուստի քննադատել են Լոնդոնի որոշումը։ Դրանից հետո փախստականներին տեղափոխող չվերթը չեղարկվել է։
Մի շարք դիվանագիտական աղբյուրներ CNN-ին հայտնել են, որ Ջոնսոնի կառավարության քաղաքականությունը ստվեր է նետում Մեծ Բրիտանիայի վրա՝ երկրի նկատմամբ Արևմուտքի վերաբերմունքի հարցում:
