Իրակլի Ղարիբաշվիլին բարձր մակարդակի երկկողմ հանդիպումներ կանցկացնի Եվրոպայի խորհրդում, Եվրահանձնաժողովում, Եվրախորհրդարանում և ՆԱՏՕ-ում
Վրաստանի վարչապետ Իրակլի Ղարիբաշվիլին գտնվում է Բելգիայի Թագավորությունում։
Կառավարության մամուլի ծառայությունից հայտնում են, որ երկօրյա այցի շրջանակներում Վրաստանի կառավարության ղեկավարը բարձր մակարդակի երկկողմ հանդիպումներ կունենա Եվրոպական խորհրդում, Եվրահանձնաժողովում և Եվրախորհրդարանում, ինչպես նաև ՆԱՏՕ-ում։ Հանդիպումների ընթացքում քննարկվելիք հիմնական հարցերը կլինեն Վրաստանի եվրոպական և եվրատլանտյան ինտեգրման օրակարգը, Եվրահանձնաժողովի հարցաշարի հետ կապված հարցերը, ինչպես նաև տարածաշրջանում անվտանգության իրավիճակը։
Վրաստանի արտաքին գործերի նախարար Իլիա Դարչիաշվիլին Վրաստանի վարչապետի հետ միասին մեկնել է Բրյուսել՝ հանդիպումներ ունենալու Եվրամիության անդամ երկրների արտաքին գործերի նախարարների հետ։
Այս մասին տեղեկանում ենք Վրաստանի առաջին ալիքի կայքից։
