Մասկատում ավարտվել է ԱՄՆ-ի և Իրանի անուղղակի բանակցությունների հերթական փուլը
Մասկատում ավարտվել է ԱՄՆ-ի և Իրանի անուղղակի բանակցությունների հերթական փուլը՝ հայտնում են իրանական աղբյուրները։
Օմանի արտգործնախարարը բանակցություններից հետո հայտնել է, որ դրանք ընդգծեցին փոխադարձ հարգանքի և կայուն պարտավորությունների հիման վրա համաձայնության հասնելու ընդհանուր շահագրգռվածությունը: Նրա խոսքով՝ կողմերը քննարկել են հնարավոր գործարքի հիմնական սկզբունքները, նպատակներն ու տեխնիկական հարցերը:
Բանակցությունները կշարունակվեն հաջորդ շաբաթ, նախնական ամսաթիվը նշանակվել է մայիսի 3-ը:
Իրանի արտգործնախարության խոսնակ Էսմայիլ Բաղաեին էլ նշել էր, որ կողմերը Օմանի միջնորդությամբ փոխանակում են իրենց տեսակետները երկու հիմնական ուղղություններով՝ պատժամիջոցների արդյունավետ դադարեցում և Իրանի միջուկային ծրագրի խաղաղ բնույթի նկատմամբ վստահության ամրապնդում:
