Մենք հստակ պատասխան ենք լսել Վրաստանի իշխանության կողմից՝ կապված Ուկրաինայում ռազմական հետախուզության պնդումների հետ, որ նման բան տեղի չի ունենում ո՛չ պրակտիկայի, ո՛չ ռիսկի առումով, – լրագրողներին ասել է Վրաստանում ԵՄ դեսպան Կառլ Հարցելը։
Հարցելը մեկնաբանել է Ուկրաինայի պաշտպանության նախարարության հետախուզական ծառայության հայտարարությունը, ըստ որի՝ «Միջազգային պատժամիջոցների սահմանման պատճառով Ռուսաստանի Դաշնությունը զրկված է ռազմական, կրկնակի նշանակության և քաղաքացիական ապրանքներ մատակարարելու հնարավորությունից։ Պատժամիջոցները շրջանցելու համար ռուս գործակալները մաքսանենգության ուղիներ են ստեղծում, որոնք անցնում են մասնավորապես Վրաստանի տարածքով։ Միաժամանակ վրացական հատուկ ծառայությունների ներկայացուցիչները քաղաքական ղեկավարությունից ցուցումներ են ստացել՝ չմիջամտել մաքսանենգների գործունեությանը»։
«Ինչ վերաբերում է ուկրաինական ռազմական հետախուզության կողմից հնչեցված շատ լուրջ մեղադրանքներին, ապա դրանք իրենց բնույթով լուրջ են, և մենք պետք է լուրջ վերաբերվենք դրանց։ Բացի այդ, մենք շատ հստակ պատասխան ենք լսել վրացական իշխանությունից, որ նման բան տեղի չի ունենում ո՛չ պրակտիկայի, ո՛չ ռիսկի առումով։ Ինչ վերաբերում է անձամբ ինձ, ապա այս փուլում ես չունեմ որևէ տեղեկություն կամ հետախուզական նյութ, որը կհաստատի ուկրաինական կողմի պնդումները։ Կարևորն այն է, որ երկու կողմերն էլ շարունակեն տեղեկատվության փոխանակումը՝ այս իրավիճակը ժամանակին լուծելու համար», – ասել է Կառլ Հարցելը։
