Դեկտեմբերի 25-ը Ախալցխայի շրջանի Փոքր Պամաճ գյուղի Սուրբ Խաչ Եկեղեցու վերաօծման օրն է

Դեկտեմբերի 25-ը Ախալցխայի շրջանի Փոքր Պամաճ գյուղի Սուրբ Խաչ Եկեղեցու վերաօծման օրն է։ Օրհնությամբ Սամցխե- Ջավախքի և Ծալկայի ընդհանուր Առաջնորդական Փոխանորդ Հոգեշնորհ Տեր Մաղաքիա Վարդապետ Ամիրյանի և Ախալցիխեի Հոգևոր Տեսուչ՝ Հոգեշնորհ Տեր Հակոբ աբեղա Սահակյանի գյուղի Սուրբ Խաչ Եկեղեցում մատուցվեց Սուրբ և Անմահ պատարագ։Պատարագիչն էր Ախալցխայի և հարակից շրջանների հոգևոր հովիվ՝ Արժ․ Տեր Թորգոմ քահանա Վարդանյանը։ Արժանապատիվ Տեր Հայրը հավուր պատշաճի ժողովրդին ներկայացրեց օրվա խորհուրդը և քարոզի ավարտին հոգևոր դասի անունից խորին շնորհակալություն հայտնեց բարերար՝ Անդրանիկ Բաբոյանին եկեղեցու կողքին լինելու համար։

Պատարագի ավարտին Ախալցխայի հոգևոր տեսուչ՝ Հոգեշնորհ Տեր Հակոբ աբեղա Սահակյանը և հոգևոր հովիվ Արժանապատիվ Տեր Թորգոմ քհն. Վարդանյանը կատարեցին մատաղի օրհնության կարգ և բաժանեցին հավատացյալներին։

Պամաճի պարային համույթի սաները հայ-ազգային պարերով օրը էլ ավելի գեղեցկացրին ։