Իրակլի Ղարիբաշվիլին հանդիպել է Վրաստանում Գերմանիայի դեսպան Պիտեր Ֆիշերին |
«Վրացական երազանքի» նախագահ Իրակլի Ղարիբաշվիլին հանդիպել է Վրաստանում Գերմանիայի Դաշնային Հանրապետության արտակարգ և լիազոր դեսպան Պիտեր Ֆիշերին։
«Վրացական երազանք»-ի տեղեկություններով՝ հանդիպմանը խոսվել է Վրաստանի և Գերմանիայի Դաշնային Հանրապետության միջև առկա բարեկամական հարաբերությունների և բազմաթիվ ոլորտներում հաջող համագործակցության հարցերի մասին։
«Նշվել է, որ տարբեր ոլորտներում երկու երկրների երկարաժամկետ գործընկերության դրական դինամիկան էլ ավելի է ամրապնդվում։ «Վրացական երազանքի» նախագահը շնորհակալություն է հայտնել Գերմանիայի դեսպանին՝ Վրաստանին Եվրամիության թեկնածու երկրի կարգավիճակ շնորհելու հարցում ցուցաբերած աջակցության համար և նշել, որ Գերմանիան Վրաստանի բարեկամ պետությունն է և վստահելի գործընկերը։ Զրույցի ընթացքում անդրադարձ է կատարվել նաև Վրաստանի ներկայիս քաղաքական իրավիճակին և տարածաշրջանում ընթացող գործընթացներին»,- ասված է տեղեկատվության մեջ։
