Պենտագոնի ղեկավարը Կոնգրեսում ամբողջական տվյալներ կներկայացնի Իրանում գործողության ծախսերի մասին

Հաջորդ շաբաթ ԱՄՆ պատերազմի նախարար Փիթ Հեգսեթը՝ Պենտագոնի հաջորդ ֆինանսական տարվա համար 1,45 տրիլիոն դոլարի բյուջեի հայտի վերաբերյալ լսումների ժամանակ, պատասխանելու է Իրանում ռազմական գործողության իրական արժեքի մասին հարցերին՝ հաղորդում է The New York Times-ը։

Նա ցուցմունք է տալու Ներկայացուցիչների պալատի հատկացումների կոմիտեում, ապա՝ Սենատի կոմիտեում։

Անցյալ չորեքշաբթի՝ Ներկայացուցիչների պալատի զինված ուժերի կոմիտեի լսումների ժամանակ, Պենտագոնի պաշտոնյաները «Էպիկական ցասում» գործողության արժեքը գնահատել են մոտավորապես 25 միլիարդ դոլար, որը ներառում է միայն զինամթերքի արժեքը։

Պենտագոնի ժամանակավոր վերահսկիչ Ջուլս Հերսթը, սակայն, հայտարարել է, որ տարածաշրջանում վնասների և վերականգնման ծախսերի արժեքը դեռևս դժվար է գնահատել։ CBS News-ը, հղում անելով ներքին գնահատականներին ծանոթ ամերիկացի պաշտոնյաներին, հաղորդել է, որ Իրանի դեմ ԱՄՆ գործողության իրական արժեքը կազմում է գրեթե 50 միլիարդ դոլար: