Իրաքում ԱՄՆ դեսպանատան անձնակազմի մի մասը կտարհանվի

Ատոմային Էներգիայի միջազգային գործակալության՝ 35 երկրից կազմված կառավարիչների խորհուրդը բանաձև է ընդունել՝ Իրանին մեղադրելով միջուկային զենքի չտարածման երաշխիքների մասին համաձայնագրի շրջանակում իր պարտավորությունների խախտման համար: Բանաձևը նախաձեռնել են ԱՄՆ-ն և եվրոպական եռյակը՝ Մեծ Բրիտանիան, Ֆրանսիան և Գերմանիան: Նման որոշում է ընդունվել 20 տարվա ընթացքում առաջին անգամ։

Կառավարիչների խորհուրդը նշել է, որ 2019 թվականից ի վեր Իրանը ոչ լիարժեք է համագործակցել գործակալության հետ, և չհայտարարագրված միջուկային նյութերի և բազմաթիվ օբյեկտներում գործունեության վերաբերյալ պատշաճ տեղեկություն չի փոխանցել ՄԱԿ-ի կառույցին:

Իրանի արտաքին գործերի նախարարությունը և Իրանի Ատոմային էներգիայի կազմակերպությունը դատապարտել են Ատոմային էներգիայի միջազգային գործակալության կառավարիչների խորհրդի բանաձևը: Իրանական կողմը պնդում է, որ մշտապես հետևել է ԱԷՄԳ-ի առջև իր ստանձնած պարտավորություններին, իսկ ընդունված բանաձևը՝ քաղաքական կողմնակալության հետևանք է և չունի որևէ փաստական հիմք:

Միջազգային լրահոսը՝ տեսաշարում: