«Կրոկուսում» ահաբեկչության ժամանակ հայ երիտասարդ է մահացել` փորձելով փրկել մարդկանց
Ռուսական լրատվամիջոցները հայտնում են, որ «Կրոկուս սիթի հոլ»-ում տեղի ունեցած ահաբեկչությունից մի քանի օր անց մահացել է տուժածներից մեկը` հայազգի 35-ամյա Կարեն Ենգիբարյանը։ Նա մահացել է հիվանդանոցում:
Նշվում է, որ նա «Կրոկուս» է եկել` արձագանքելով ընկերոջ խնդրանքին, մտել է շենք և օգնել մարդկանց տարհանվել։ Երիտասարդը մեծ քանակությամբ ծուխ է շնչել, նա իր բաճկոնը տվել է ուրիշներին` օգնելու համար, մնացել առանց բաճկոնի և մրսել է։
Երբ Ենգիբարյանը տուն է եկել, նրա ինքնազգացողությունը վատացել է, իսկ երկրորդ օրը կինը շտապօգնություն է կանչել։ Նա մահացել է հիվանդանոցում։
Բաժանորդագրվեք մեր տելեգրամյան ալիքին
