აზერბაიჯანის ქმედებები ლაჩინის დერეფანზე ეწინააღმდეგება ევროკავშირს: ბორელი
აზერბაიჯანის ქმედებები ლაჩინის დერეფანში საგუშაგოს დაყენების თაობაზე ეწინააღმდეგება ევროკავშირის მოწოდებას რეგიონში დაძაბულობის შემცირების შესახებ. ამის შესახებ ორშაბათს ევროკავშირის დიპლომატიის ხელმძღვანელმა ჯოზეფ ბორელმა ევროკავშირის საბჭოს სხდომის შემდეგ გამართულ პრესკონფერენციაზე განაცხადა.
„ჩვენ განვიხილეთ აზერბაიჯანის ცალმხრივი გადაწყვეტილება ლაჩინის დერეფანში საგუშაგოს შექმნის შესახებ, რაც ეწინააღმდეგება ჩვენს მოწოდებას დაძაბულობის შემცირების შესახებ“, – განაცხადა ბორელმა. ბორელმა ხაზგასმით აღნიშნა, რომ ევროკავშირი მზად არის დაეხმაროს სომხეთსა და აზერბაიჯანს რეგიონში არსებული სიტუაციის მოგვარებაში.
