Իրակլի Ղարիբաշվիլի. Մենք ներկայացնում ենք փոքր, բայց անցյալով հպարտ, ազատասեր, անպարտելի վրաց ազգ
Մենք ներկայացնում ենք փոքրաթիվ, բայց անցյալով հպարտ, ազատասեր, անպարտելի վրաց ազգ,- այս մասին ITB Berlin 2023 զբոսաշրջային ցուցահանդեսի հանդիսավոր բացման ժամանակ հայտարարել է Վրաստանի վարչապետ Իրակլի Ղարիբաշվիլին։
Կառավարության ղեկավարի խոսքով՝ բազմաձայն երգը Վրաստանի այցեքարտն է և միևնույն ժամանակ՝ մարդկության մշակութային նվաճումը։
«Վրացական գիրը նույնպես հնագույն է՝ ամենատարբեր և եզակիներից մեկը, որին իր վերջնական ձևը տվել է Փարնավազ I-ը մ.թ.ա. III դարում, սակայն, ըստ որոշ տեղեկությունների, այն գոյություն է ունեցել մ.թ.ա. 7-րդ դարից։ Մեր գրչության հնագույն նմուշներ են հայտնաբերվել ինչպես Վրաստանում, այնպես էլ նրա սահմաններից դուրս։ Զգալի փոփոխությունների արդյունքում վրացական այբուբենը ձևավորվեց երեք տեսակի գրերի։
Մենք ներկայացնում ենք փոքրիկ, բայց անցյալով հպարտ, ազատատենչ, անպարտելի վրաց ազգը։
Մեր երկրի այցեքարտը և, միևնույն ժամանակ, մարդկության մշակութային ձեռքբերումը բազմաձայն երգեցողությունն է։ Վրացական բազմաձայնությունը մարմնավորում է մարդու մեծագույն արժանիքները՝ յուրաքանչյուր անհատի ազատությունն ու յուրահատկությունը և, միևնույն ժամանակ, հարգանք ուրիշների հանդեպ, համերաշխություն և ներդաշնակ համակեցության ձգտում։
Թերևս վրացական ոգին առավել տեսանելիորեն երևում է մեր պարերի մեջ, որոնք իրենց ծագումն ունեն հազարամյակներով: Յուրաքանչյուր անկյուն ունի աշխատանքի, պայքարի կամ գոյության իր խորեոգրաֆիան, և բոլորն էլ տոգորված են կյանքի ու ազատության սիրով։
Վրացական սեղանը կապված է երգի, պարի, հաղորդակցման ավանդույթների հետ՝ մեր ամենօրյա մշակույթի և սոցիալական գոյության անբաժանելի մասը։ Վրացական սեղանը եզակի է ամբողջ աշխարհում, և մենք կատակում ենք, որ այն ժողովրդավարական հասարակության առաջին նշանն է, քանի որ այն հավասար հարաբերությունների, հանրային քննարկումների, ավանդույթների շարունակության և հաճախ նոր ավանդույթների ծննդավայրն է։ Դա հաստատում են Արեւմտյան Վրաստանում հայտնաբերված հնագիտական նմուշները»,- ասել է Վրաստանի վարչապետը։Այս մասին տեղեկանում ենք Վրաստանի առաջին ալիքի կայքից։
