Ֆրանսիայում անտառային հրդեհների հետ կապված ձերբակալվել է 375 մարդ

Ամռան սկզբից Ֆրանսիայում ձերբակալվել է 375 մարդ, այդ թվում՝ 142 անչափահաս, բազմաթիվ անտառային հրդեհներին մասնակցելու կասկածանքով, երկուշաբթի հաղորդել է BFMTV-ն՝ հղում անելով ներքին գործերի նախարարությանը։

Ձերբակալված 375 անձանցից 36-ը կամ դատապարտվել են ազատազրկման, կամ նախնական կալանքի տակ են մինչև դատը։

Հեռուստաալիքը նշում է, որ վերջին շաբաթներին Ֆրանսիայի տարբեր վայրերում, մասնավորապես՝ Ժիրոնդ, Օդ և Սեն-է-Մառն դեպարտամենտներում, բռնկվել է մի քանի հրդեհ։ Մի մասն առաջացել է ծայրահեղ շոգից, մյուսներում առկա է մարդկային գործոնը։

Ֆրանսիայի ներքին գործերի նախարար Լորան Նունյեսը հուլիսին հայտարարել է, որ հրդեհների հետ կապված միջադեպերի երկու երրորդը «դիտավորյալ հրկիզում» է, իսկ մնացածը՝ պատահականություն: