ԱՄՆ Գերագույն դատարանը հաստատել է ծննդյան իրավունքով քաղաքացիություն ստանալու իրավունքը. BBC

ԱՄՆ Գերագույն դատարանը հաստատել է, որ Միացյալ Նահանգներում ծնված անձինք ունեն ավտոմատ քաղաքացիություն ստանալու իրավունք։ Նախագահ Դոնալդ Թրամփը փորձել է չեղյալ համարել այդ իրավունքը և իր առաջին հրամանագրերից մեկով կարգադրել էր սահմանափակել ծնունդով քաղաքացիություն ստանալու ընթացակարգը։ Նախագահի հրամանագրի դեմ է արտահայտվել վեց դատավոր, կողմ՝ երեքը, տեղեկացնում է BBC-ն։

Այդ հրամանագիրը հրապարակվել է 2025 թվականի հունվարին՝ Թրամփի երդմնակալությունից կարճ ժամանակ անց։ Ստորագրումից անմիջապես հետո մի շարք նահանգներ ու քաղաքներ, որտեղ իշխանության ղեկին Դեմոկրատական կուսակցությունն է, հայցեր են ներկայացրել՝ պահանջելով չեղարկել հրամանագիրը:

Թրամփը հրապարակավ քննադատել է իր դիրքորոշմանը դեմ քվեարկած դատավորներին՝ նրանց անվանելով «հիմար մարդիկ»: