Իրակլի Կոբախիձեն կմասնակցի Անթալիայի դիվանագիտական ֆորումին
Վրաստանի վարչապետ Իրակլի Կոբախիձեն կմասնակցի Անթալիայի դիվանագիտական ֆորումին: Վրաստանի կառավարության աշխատակազմը այս մասին տեղեկատվություն է տարածել:
Մամուլի ծառայության տվյալներով՝ կառավարության ղեկավարը ապրիլի 17-ին կմասնակցի Անթալիայի դիվանագիտական ֆորումի բացման նիստին: Նախատեսվում է, որ Իրակլի Կոբախիձեն ելույթ կունենա առաջնորդների պանելային քննարկման ժամանակ, որի հիմնական թեման ապագայի սահմանումն ու ռիսկերի կառավարումն է:
Այցի շրջանակներում վարչապետը նաև երկկողմ հանդիպումներ կունենա:
Վրաստանի կառավարության ղեկավարը Անթալիա է մեկնել պատվիրակությամբ, որի կազմում են արտաքին գործերի նախարար Մակա Բոճորիշվիլին և կառավարության աշխատակազմի ղեկավար Լևան Ժորժոլիանին:
