Արաբական և մուսուլմանական երկրների ԱԳ նախարարները դատապարտել են Իրանի գործողությունները

Էր Ռիադում կայացած նախարարական հանդիպման ավարտին նախարարներն ընդունել են համատեղ հայտարարություն՝ դատապարտելով Իրանի հարվածները տարածաշրջանի երկրներին:

Դիվանագետները նշել են, որ Թեհրանի կողմից բարիդրացիության և պետությունների ինքնիշխանության սկզբունքների շարունակական խախտումները լուրջ հետևանքներ կունենան Իսլամական Հանրապետության համար և պատասխան կստանան: 

Կողմերը նաև վերահաստատել են համակարգումը և խորհրդատվությունը շարունակելու, ինչպես նաև տարածաշրջանում անվտանգության և կայունության ապահովման համար անհրաժեշտ բոլոր միջոցները ձեռնարկելու մտադրությունը:

Հանդիպմանը մասնակցել են Թուրքիայի, Ադրբեջանի, Սաուդյան Արաբիայի, Բահրեյնի, Եգիպտոսի, Հորդանանի, Քուվեյթի, Լիբանանի, Պակիստանի, Կատարի, Սիրիայի, և ԱՄԷ-ի արտգործնախարարները: