Մոսկվան և Պեկինը օգնում են քաղաքական միջավայր ապահովել Իրան-ԱՄՆ բանակցությունների համար. Ռյաբկով

Մոսկվան, Պեկինը և այլ գործընկերներ օգնում են քաղաքական միջավայր ապահովել Իրանի և ԱՄՆ-ի բանակցությունների համար՝ ТАСС-ի հետ հարցազրույցում հայտարարել է ՌԴ փոխարտգործնախարարը:

Սերգեյ Ռյաբկովի խոսքով՝ այժմ կենտրոնացած են արաբական երկրների միջնորդությամբ ԱՄՆ-Իրան ընթացիկ բանակցությունների վրա:

«Կարծում եմ, որ այդ աշխատանքը կշարունակվի»,- նշել է դիվանագետը:     

ՌԴ փոխարտգործնախարարը կարծիք է հայտնել, որ BRICS-ը կարող է և պետք է համերաշխություն հայտնի Իրանին, ինչը էական ներդրում կլինի գործընթացում։

Հիշեցնենք, որ Իրանի և ԱՄՆ-ի միջև ճգնաժամի կարգավորման հարցով բանակցությունների նոր փուլը տեղի է ունեցել փետրվարի 6-ին Մասկատում: