Խուզարկություններ Վրաստանում

Վրաստանի գլխավոր դատախազ Գիորգի Գվարակիձեն ճեպազրույցի ժամանակ հայտարարեց, որ խուզարկություններ են անցկացվել նախկին վարչապետ Իրակլի Ղարիբաշվիլու, Պետական ​​անվտանգության ծառայության նախկին ղեկավար Գրիգոլ Լիլուաշվիլու, նախկին գլխավոր դատախազ Օթար Պարցխալաձեի և ևս ութ անձի տներում։

Նրա խոսքով՝ խուզարկությունների ընթացքում առգրավվել են էլեկտրոնային սարքեր, փաստաթղթեր և մեծ կանխիկ գումար։ Գլխավոր դատախազը նշել է, որ լայնածավալ գործողություն են իրականացրել երկրի միաժամանակ 22 վայրում և հավելել, որ քննչական, դատավարական և օպերատիվ-հետախուզական միջոցառումները շարունակվում են։

Իրակլի Ղարիբաշվիլին Վրաստանի վարչապետի պաշտոնը զբաղեցրել է 2013-2015 թվականներին և կրկին այդ պաշտոնում նշանակվել 2021-2024 թվականներին։ Նրան հաջորդել է Իրակլի Կոբախիձեն։ Ղարիբաշվիլին իշխող «Վրացական երազանք — Դեմոկրատական ​​Վրաստան» կուսակցության ղեկավարի պաշտոնում փոխարինել է Կոբախիձեին, իսկ այս տարվա ապրիլին հայտարարել է քաղաքականությունից հեռանալու մասին։